வருடமொன்று கழிந்துபோகிறது

வருடமொன்று கழிந்துபோகிறது
வாழ்க்கை இரசத்தில் கொஞ்சம் கரைந்துபோகின்றது
முதுமையின் சாயல் பூசப்படுகின்றது
இளமையின் மாயம் உறிஞ்சப்படுகின்றது
மரணவாசலுக்கு செல்லும் வழிக்கு
ஒருஅடி முன்னே நகரப்படுகின்றது
மகிழ்ந்துகொள்ள முடியவில்லை
மனதார வாழ்த்தினை ஏற்றுக்கொள்ள முடியவில்லை
இது விழாவல்ல
வாழ்வின் விபரீதம்
குழந்தை மனம் கழுவப்பட்ட
குழப்பத்திற்கான ஆரம்பம்
வயது வந்ததென்றல்ல என்
வருடம் போகின்றதே என வருந்துகின்றேன்
இனிப்பைத் தந்து
இன்பம் பகரேன் என்
இளமையின் விபத்தை
இயற்றி மகிழேன்
கடந்துபோன காலத்தினில்
கால் பதிக்கா இடமெல்லாம்
தரிசாய் காய்ந்து கிடக்கின்றது
உணர்த்தப்படுகின்றேன்
உருவேற்றப்படாமல் கழிந்ததை
உணர்த்தப்படுகின்றேன்!!