- தப்பு செய்திடவும்
தப்புத்துக்கொள்ளவும்
ஆயிரம் வழிகள் அகிலத்தில்
அகலத்திறந்து கிடப்பினும் துளியேனும்
இறையச்சம் மனதிலுறைந்தால்
மனிதம் தளைத்துக்கொள்ளுமாம் மாநுட
அன்பு நிலைத்துநிற்குமாம்
- உள்ளார்ந்த நேசம்
நொடிக்கொருதடவை இல்லையென்றாலும்
அடிக்கொருதடவை நினைக்கத்தோன்றும்
- துரோகத்தை தாங்கும் திடமும்
துரோகியை மன்னிக்கும் மனமுன்
உன்னிடமென்றால்
உன்னை மிஞ்சிய மனிதமுமில்லை உன்
குணத்தை விஞ்சிய புனிதமுமில்லை!!
- அந்த இதயச்சுவரில்
இந்த நினைவோவியத்தின்
ஒற்றை கோடுகூட
வரையப்பட்டிருக்கவில்லை
வெறுமையாயுணரப்பட்ட ஓவியம்
வெண்மையினால் தன்னைத்தானே
தீட்டிக்கொண்டிருக்கின்றது!!
- நிழல்கூட இருளில்
உனைவிட்டு நீங்கும்
அணையா நிலவாயென்
அன்புனை தாங்கும்!!
- மனம்விட்டு எழுதுகின்றேன்
மனம்விட்டுப்போனதால் எழுதுகின்றேன் -எனையுன்
மனம்விட்டுவிட்டுப் போனதால் எழுதுகின்றேன்!!
- வழியில்
ஆயிரம்பேரை சந்திக்கலாம்
ஆனால் நம்பயணமோ
ஒரே பாதையில் மட்டுமே
இருந்திடல் வேண்டும்!!
- காமநோய்க்கு
காதலை மருந்தாக்காதீர்கள்
காதல் புனிதமானது
நேரங்கடத்துவதற்காய்
நேசத்தை விலைபேசாதீர் சிலநேரங்களிலது
ஒருகுடும்பத்தின் வரலாற்றையே
வேறோடழித்துவிடலாம்
நேசம் நிஜமானது!!
- என் எதிரிகளைவிட
துரோகிகளை நேசிக்கின்றேன்
என்னையவர்கள்
புதைத்துவிட்டு போனதால்தான் இன்று
முளைத்துக்கொண்டிருக்கின்றேன்
- கீழே கிடப்பதெல்லாம்
குப்பைகளுமல்ல
மேலே உயர்வதெல்லாம்
கோபுரங்களுமல்ல
No comments:
Post a Comment