ஆத்மார்த்தம் நிலையானது

ஞானமழிக்கும் மோகந்தேடாதே

காதலில்

வானமிஞ்சும் மேன்மையை நாடு!

அற்பமிந்த தேகம்

ஆழமானதே நேசம்

புரிந்துகொண்ட வாழ்தலில்

பரிவாய் வந்திடும் வசந்தம்

இந்த நிமிடங்கள் அழகு

இந்த நேசக்காதல் ஆச்சரியம்

இந்த இதய உணர்வுகள் இன்பம்

இந்த ஆத்மார்த்தம் நிலையானது

அணுவணுவாய் காதல்ஸ்பரிசங்களை

ஆழமாய் அநுபவித்திடு

வெற்று தேகம் மட்டும் காதலல்ல‌

நிறைந்த அன்பே காதல்

நிராகரித்திடாதே ஓர்நாள் உன்னையே

நிந்தித்து வருந்தாதே

பெண்ணால் நிமிர்ந்தவர் ஏராளம்

பெண்ணால் சரிந்தவரும் ஏராளம்

இரண்டிலும் உண்மைகள்தான்

கொப்பளிக்கின்றன -அது

உண்மைக்காதலையே

ஒப்புவித்து நிற்கின்றன‌

ஞானமழிக்கும் மோகந்தேடாதே

காதல் புனிதமானது அதை

காமத்தால் கறையாக்கி 

கன்னியர்பால் பழிசூடாதே...!!